مبارك يوم القيامة
بجد بجد وبحق وحقيقي
ألا تؤرق الرئيس مبارك فكرة يوم القيامة وماذا سيقول لله عندما يسأله عن الوساخة وقلة الأدب والبلطجة التي حدثت في عهده وخاصة في الأيام الأخيرة
يعني مثلاً لو حد فيكم شاف اجتماع الجمعية العمومية بتاع نادي القضاة وسمع عن شهادات القضاة الذين تم الاعتداء عليهم من قبل ضباط الأمن المركزي واللا البلطجية الذين يعملون كمرشدين في وزارة الداخلية أكيد حيسأل نفسه عن الوش الذي يظهر به مبارك وشركاه حين يؤكدون أننا في أزهى عصور الديمقراطية والكلمتين الحمضانين بتوع صفوت الشريف وباقي السفهاء وعما إذا كان برقع الحياء سهل الخلع إلى هذه الدرجة
هو ما حدش سمع منهم عن "كلكم راع وكل راع مسئول عن رعيته" ..ماحدش سمع عن حقيقة إن ربنا سبحانه وتعالى منتقم جبار وأنه عز وجل يمهل ولا يهمل
بجد بجد حاجة وسخة
صورة فخامة سعادة جناب الرئيس مبارك نقلاً عن موقع الوعي المصري
posted by أبوعمر @ Sunday, December 18, 2005
13 Comments:
ماهو الجشع عمى عيونهم وقلبهم
واللى زى دول بقول يارب مايتعدلو عشان ياخدو الطريحة بتاعتهم كاملة
مافيش دم تقول ايه ..حاجة وسخة
يا فندم الناس دي ما سمعتش عن يوم القيامة اصل سمعها تقييييييييييييييل
أصله كان طيار بأة
:)
هبة ربيع
صباح الفل
أنت بدأت ياأبوعمر في الجو ده
دوس يامعلم
ومتخافش
عمر هيكون في عنيا!
أما بخصوص يوم القيامة فأكيد هو سمع عنه..بس محدش قاله أنه هيبقى فيه حساب يوميها!
أعترض يا فتحي على موضوع أننا لسنا في أزهى عصور الحرية ..
نحن بالفعل في أزهاها..بياضاً..
و سلام عشانه ..سافو ..حافظ كيانه ..سافو
حياخدوها كاملة وبالفوايد كمان يا hera
sonofegypt
هو فيه دم انما مافيش احساس ومفيش مخ ومفيش فايدة..يعني باختصار فعلاً..حاجة وسخة
استاذة هبة ربيع صحفية الدستور الهمامة عندنا؟..يا مرحبا يا مرحبا..
السمع تقيل يا أستاذة بسبب السن..الراجل برضو داخل على التمانين..ربنا يزيل عنو وعنا
محمد هشام باشا:صباح العوأ يا باشا..سكتي بأة وانت عارفني قليل الأدب
المهم..عمر أمانة في رقبتك يا نجم وقل له ان ابوك كان شهيد
على فكرة فيه رأي بيقول انه عارف ان فيه حساب بس هو بيحب الشكك
عم محمد سامي: لا أعرف لماذا أوحيت لي بان شعار هذا النظام هو الرغوة
شكراً لمرورك يا جميل
طب تعمل إيه لو شفته بعد عمر طويل فى الجنة ؟
هاها .... سؤال صعب مش كده ؟
كان في نكتة بيتداولها المصريين والعرب رغما عن ام مزاج النظام بتقول
بيسألوا الريس انت احسن ولا السادات
قال السادات ده كان بيخاف م الامريكان انما انا مبخافش
قالوا له انت احسن ولا عبد الناصر قال: ناصر كان بيخاف من روسيا انما انا مبخافش
قالوا له : ب انت احسن ولا عمر بن الخطاب قالهم عمر بن الخطاب ده كان بيخاف من ربنا لكن انا مبخافش
معرفش ليه انت فكرتني بالنكتة صباحه ترتر يا ابو عمر
سؤال إجابته بديهية يا أ.محمد أنه ياميعرفوش أو مفكرش في الموضوع ده قبل كده ,مستحيل ببساطه حد يعمل ألي بيجرى ده ويبقى فاكر أن في شيء اسمه يوم القيامه .. على رأي عمنا صلاح جاهين ..عجبي!!
Ahmed Shokeir
أممممـ....لو شفتو في الجنة تبقى مشكلة لإبليس مش ليا لأني عارف ان ربنا غفور رحيم لكن أعتقد ان إبليس حيعترض على أساس انه مستني اللحظة دي وفيه مكان فاضي على حجره
Geronimo
صباحو سنترافيش يا فندم
دعاء حسين:
ما هو ممكن عارف بس بيستعبط برضو ..ما تضمنيش السن ده بيفكر ازاي
....... عقبال ماشوفه في البيجامه البيضا ام زراير من قدام
هو الحيوان ده بيكلم الجو؟
وسوزى قفشته وصورته كمان
والله مش مطلوب من الريس انو يروح يربى كل طفل و يقوله ايه الصح و الغلط ويعرفه ان الاخلاق العاليه من اخلاق الرسول . ده مهمه الاباء و الامهات يا اساتذة مش مهمه الريس
Post a Comment
<< Home