الدستور و المدونين..المجد للقذارة وسلملي ع المجاهيل
البداية كانت في مدونة زنجولا الذي يفتقد رسوم عمرو سليم ثم كانت القذارة في التعليقات
التي كانت لمساندة خالد البلشي و عبير العسكري في بادئ الأمر وقد طالهم ما طالهم بعد ذلك وأساء إليهما بعض أصدقائهما المتحمسين لهما بطريقتهم الفجة للتعبير عن رأيهم
انقلب الموضوع لمساندة الزملاء المهدرة حقوقهم في الدستور (على حد تعبيرهم) فقل الجميع أدبه ونشروا غسيلهم الوسخ.
دخل ناس علقوا زي بلال فضل وعمرو سليم وخالد البلشي و عبير العسكري فقيل فيهم ما لم يقال في أبرهة أو ابو لهب
3 او اربع بنات ضاع مستقبلهم أو بالأحرى باظت سمعتهم لأن واحد قذر أو واحدة لا عندها أدب ولا أخلاق شتموهم في أعراضهم .يعني لو واحد هيتقدم مثلاً للبنات دي وحد عايز يبوظ الليلة يخليه بس يكتب اسمها على جوجل .
علاء شايف الموضوع مسلي ووائل عباس يستعين بأبيات للسكاموني لوصف ابراهيم عيسى وحاجة بقت مسخرة
من الضروري إذن أن أقول أنني لا شهيد ولا طرف في الخلافات في جريدة الدستور بين الإدارة من جهة وبعض الزملاء من المحررين من جهة أخرى،وعلاقتي بالجميع أعتقد أنها طيبة ووضعت لها حدوداً معينة في بداية كتابتي هناك. لكن طبيعة الحوار وسفالة التعليقات وانحطاط الأسلوب تجعل من التعليق على الموضوع أمراً لا مفر منه.
تسألني سعادتك عن أكثر ما يغضبني في الأمر أقول لك الجهل و الغباء و الخيانة.
يعني سعادتك وارد جداً تلاقي واحد لا ليه في الطور و لا في الطحين داخل عادي يعلق ويشتم ويسب الدين لابراهيم عيسى ومن يعاونوه وكأنه الشيطان الأكبر وصباح الاتهامات بالعمالة والخيانة وكل اللستة المعروفة.طب مين حضرتك؟..مجرد شخص مجهول.
واحد تاني (في الواقع هما حبة حلوين يعني) يقول انه صحفي في الدستور وان ابراهيم عيسى ابن كذا وابن كذا.
طب يا أيها البني آدم الواطي فلنفترض أن كل ما قلته عن ابراهيم عيسى صحيح وانه بياكل مال النبي ..ايه اللي جابر حضرتك على إنك تشتغل معاه وتكمل شغل وهو يا عيني ما بيدكش غير خمسين جنيه..ما تضربلنا مثلاً في الشجاعة واحترام المبادئ وسيب الجرنان وامشي..لكن الأستاذ أو الأستاذة أو أياً من المجاهيل الذين يعلقون يضربون لنا مثلاً في القذارة خاصة مع قذفهم لأعراض الناس ومش عارف مين نامت مع مين ومين كانت مرافقة مين ومين بتلبس إيه ومين بتشيل في شنطتها إيه..من الآخر حاجة وسخة اوي.
لو حد ليه حق المفروض انه يجيبه بس مش بالطرق دي..،ويجري عليه بس مش بالطريقة المقززة دي وربنا سبحانه و تعالى منتقم جبار.
مش عارف ليه حسيت لما علاء أثار الموضوع تاني ان الموضوع شخصي حبة يا علاء رغم نفيك للأمر.كمان لقيت تعليق للعبد لله موجود عندك بدون اسمي مع اني كتبته باسمي في مدونة زنجولا..طب ايه اللي جابو عندك من غير اسم وكدت اني اتشتم عليه في النقطة دي تحديداً؟..ما اعرفش.
كل الناس فجأة اكتشفت ان ابراهيم عيسى لا صحفي كبير ولا حاجة وانه عميل وكل هذه التشنيعات..طب كنتم فين قبل كده وانتو برضو اللي كنتم رافعين الراجل سابع سما ؟ وليه اتقلبتو عليه؟ ومين بيتجامل في الموضوع ده عشان الصحوبية ؟ ومين مدخل حسابات شخصية في النشر و في التعليقات؟ . بصراحة الموضوع كله مثير للقئ .
وبعدين عايز اقول حاجة لعلاء..
متهيألي لو نفس الأسئلة اللي جاتلك من صديقك الصحفي اللي في الدستور كانت جاتلك في وقت تاني وظروف تانية ما كانتش هتبقى نظرية المؤامرة دي موجودة عندك وعند البعض.
بعض المدونات بالفعل تشعر أنها مخترقة أمنياً والسيناريو ممكن الحدوث بمنتهى السهولة.أذكر وانا في الجامعة ان الإخوان عملوا منشورات يشوهوا فيها سمعة ضابط من ضباط الحرس الجامعي وفي اليوم التالي لقينا منشورات مضادة تشكر في الضابط مع إشادة بملفه الوظيفي!!..
فكر فيها بالراحة وابعد موضوع الدستور عن دماغك و هتلاقي ان السيناريو وارد الحدوث بدرجة كبيرة.
آه..كلمة أخيرة..
طبعاً المتابع للمدونة على قلة ما أكتبه يعرف أنها والحمد لله بمقاييسي مدونة شبه محترمة(حلوة شبه دي) فيا ريت اصحابنا المتحمسين اياهم لو عايزين يعلقوا يكون بأدب و بعقلانية ..يا إما فعلاً هتف عليهم لما اشوفهم في الجرنان لأني عارفهم وخسارة اننا نخسر علاقتنا اللي كانت حلوة بهبل.
التي كانت لمساندة خالد البلشي و عبير العسكري في بادئ الأمر وقد طالهم ما طالهم بعد ذلك وأساء إليهما بعض أصدقائهما المتحمسين لهما بطريقتهم الفجة للتعبير عن رأيهم
انقلب الموضوع لمساندة الزملاء المهدرة حقوقهم في الدستور (على حد تعبيرهم) فقل الجميع أدبه ونشروا غسيلهم الوسخ.
دخل ناس علقوا زي بلال فضل وعمرو سليم وخالد البلشي و عبير العسكري فقيل فيهم ما لم يقال في أبرهة أو ابو لهب
3 او اربع بنات ضاع مستقبلهم أو بالأحرى باظت سمعتهم لأن واحد قذر أو واحدة لا عندها أدب ولا أخلاق شتموهم في أعراضهم .يعني لو واحد هيتقدم مثلاً للبنات دي وحد عايز يبوظ الليلة يخليه بس يكتب اسمها على جوجل .
علاء شايف الموضوع مسلي ووائل عباس يستعين بأبيات للسكاموني لوصف ابراهيم عيسى وحاجة بقت مسخرة
من الضروري إذن أن أقول أنني لا شهيد ولا طرف في الخلافات في جريدة الدستور بين الإدارة من جهة وبعض الزملاء من المحررين من جهة أخرى،وعلاقتي بالجميع أعتقد أنها طيبة ووضعت لها حدوداً معينة في بداية كتابتي هناك. لكن طبيعة الحوار وسفالة التعليقات وانحطاط الأسلوب تجعل من التعليق على الموضوع أمراً لا مفر منه.
تسألني سعادتك عن أكثر ما يغضبني في الأمر أقول لك الجهل و الغباء و الخيانة.
يعني سعادتك وارد جداً تلاقي واحد لا ليه في الطور و لا في الطحين داخل عادي يعلق ويشتم ويسب الدين لابراهيم عيسى ومن يعاونوه وكأنه الشيطان الأكبر وصباح الاتهامات بالعمالة والخيانة وكل اللستة المعروفة.طب مين حضرتك؟..مجرد شخص مجهول.
واحد تاني (في الواقع هما حبة حلوين يعني) يقول انه صحفي في الدستور وان ابراهيم عيسى ابن كذا وابن كذا.
طب يا أيها البني آدم الواطي فلنفترض أن كل ما قلته عن ابراهيم عيسى صحيح وانه بياكل مال النبي ..ايه اللي جابر حضرتك على إنك تشتغل معاه وتكمل شغل وهو يا عيني ما بيدكش غير خمسين جنيه..ما تضربلنا مثلاً في الشجاعة واحترام المبادئ وسيب الجرنان وامشي..لكن الأستاذ أو الأستاذة أو أياً من المجاهيل الذين يعلقون يضربون لنا مثلاً في القذارة خاصة مع قذفهم لأعراض الناس ومش عارف مين نامت مع مين ومين كانت مرافقة مين ومين بتلبس إيه ومين بتشيل في شنطتها إيه..من الآخر حاجة وسخة اوي.
لو حد ليه حق المفروض انه يجيبه بس مش بالطرق دي..،ويجري عليه بس مش بالطريقة المقززة دي وربنا سبحانه و تعالى منتقم جبار.
مش عارف ليه حسيت لما علاء أثار الموضوع تاني ان الموضوع شخصي حبة يا علاء رغم نفيك للأمر.كمان لقيت تعليق للعبد لله موجود عندك بدون اسمي مع اني كتبته باسمي في مدونة زنجولا..طب ايه اللي جابو عندك من غير اسم وكدت اني اتشتم عليه في النقطة دي تحديداً؟..ما اعرفش.
كل الناس فجأة اكتشفت ان ابراهيم عيسى لا صحفي كبير ولا حاجة وانه عميل وكل هذه التشنيعات..طب كنتم فين قبل كده وانتو برضو اللي كنتم رافعين الراجل سابع سما ؟ وليه اتقلبتو عليه؟ ومين بيتجامل في الموضوع ده عشان الصحوبية ؟ ومين مدخل حسابات شخصية في النشر و في التعليقات؟ . بصراحة الموضوع كله مثير للقئ .
وبعدين عايز اقول حاجة لعلاء..
متهيألي لو نفس الأسئلة اللي جاتلك من صديقك الصحفي اللي في الدستور كانت جاتلك في وقت تاني وظروف تانية ما كانتش هتبقى نظرية المؤامرة دي موجودة عندك وعند البعض.
بعض المدونات بالفعل تشعر أنها مخترقة أمنياً والسيناريو ممكن الحدوث بمنتهى السهولة.أذكر وانا في الجامعة ان الإخوان عملوا منشورات يشوهوا فيها سمعة ضابط من ضباط الحرس الجامعي وفي اليوم التالي لقينا منشورات مضادة تشكر في الضابط مع إشادة بملفه الوظيفي!!..
فكر فيها بالراحة وابعد موضوع الدستور عن دماغك و هتلاقي ان السيناريو وارد الحدوث بدرجة كبيرة.
آه..كلمة أخيرة..
طبعاً المتابع للمدونة على قلة ما أكتبه يعرف أنها والحمد لله بمقاييسي مدونة شبه محترمة(حلوة شبه دي) فيا ريت اصحابنا المتحمسين اياهم لو عايزين يعلقوا يكون بأدب و بعقلانية ..يا إما فعلاً هتف عليهم لما اشوفهم في الجرنان لأني عارفهم وخسارة اننا نخسر علاقتنا اللي كانت حلوة بهبل.
posted by أبوعمر @ Saturday, August 12, 2006
11 Comments:
عنوان التدوينة هو اللى خلانى اعتقد ان ليا حق التعليق بما إنك ضمنت "المدونين" ، اللى انت واحد منهم وانا واحدة منهم.. انا متفهمة غضبك بما انك صحفى بالدستور، غضبك من اكاذيب كتيرة قالها معلقين مجهولين، وأسلوب متدنى فى الحوار، بس الاكيد وزى انت ما اشرت ان اللى علق هما ناس من جوا الدستور، يعنى مش مدونين، وماعتقدش ان التدوين فى حد ذاته هو اللى تسبب فى المأساة دى.. يعنى كان ممكن المشاحنات دى تحصل على قهوة او على جريدة أخرى يقع تحت اديها تفاصيل ما،
طبعا مش هننكر الامكانية اللى بيتيحها التدوين للمدون للحفاظ على سرية هويته، لكن فى الآخر التدوين اسلوب تعبير جديد، واسلوب مناقشة جديد، لازم تتقبله صحف المعارضة زى ما لازم تتقبله الصحف القومية واى قطاع تانى فى الدولة
ولازم نقدر ان فى سلبيات - بشكل نسبى - بجانب الايجابيات اللى حققها التدوين، وخصوصا فى موضوع زى ده، ان ممكن اى حد يكشف فساد ما فى مكان ما من غير ما يضر هو بشكل مباشر لمجرد قيامه بالكشف، انا مش بقول ان فى فساد فى الدستور، لحد دلوقتى الناس اللى علقت ما جبتش ادله مادية، مجرد كلام وخلاص، وطالما الكلام ده مش حقيقى يبقى مش لازم الدستور تقلق من حاجة زى كده.. ولو حقيقى يبقى كأى مؤسسة محترمة وعندها قدر من الشفافية تقدر تحقق فيه
بالنسبة لسمعة البنات، ودى كانت اكتر حاجة تضايق ، انما اى قارىء مش هيصدق الكلام ده لأنه ببساطة رمى محصنات، لا يمكن تصديقه ما لم يتم اثباته.. وفى اثباته استحالة، يبقى مجرد كلام اهبل وغبى، صاحبه هيتحاسب عليه من ربنا وخلاص وزى ما انت قلت ربنا سبحانه و تعالى منتقم جبار. واللى هييجى يكتب اسم خطيبته فى جوجل ويعرف عنها الكلام ده، لو صدق يبقى انسان غبى وما يستاهلهاش
أما بالنسبة للمدونات اللى انت بتشعر انها مخترقة امنيا، فإذا كان لديك دليل على اى منها، يا ريت تشكفها وتبقى اسديت خدمة للمجتمع اللى لسه بيتكون ده.. مع العلم ان التدوين مجتمع متكامل هتشوف فيه الحلو والوحش واللى يعجبك واللى مش يعجبك.. ودا اللى بيديله الثراء والعمق والمساحة الى تخليه مجتمع حقيقى
بصراحة انا انتظرت ان الدستور تكون اقوى من كده، وتعمل تحقيق صحفى جرىء عن اللى حصل ده.. وتناقشه من كل جوانبه.. يعنى بعين صحافة الانفرادات اعتقد انه موضوع حلو ويبيع كويس :) كمان كان هيلم الناس حوالين الدستور بدل ما هم دلوقتى مشتتين بين التصديق والتكذيب
كلامك محترم ومنطقي ويستحق النقاش بالفعل
لم يكن التدوين هو السبب في المأساة لكن عندما يقول البعض في دعوة صريحة شعللها شعللها ولعها ولعها فده بنزين بيتحط فوق النار..كلامي مش للمدونين المحترمين وانا آسف ان الصيغة صيغة جمع لكن أكيد الناس عارفة انا بتكلم على مين
التدوين من وجهة نظري هو صحافة الناس القادمة..أنا معجب جداً بتجارب زي بتاعة وائل عباس في الوعي المصري رغم اختلافي معاه أحياناً وزعلي منه ف موضوع الدستور ده.لكن وائل واللي كان بيعملوا في المظاهرات و النقل الحي للأحداث المؤسفة التي كانت تحدث شئ يبعث على الإعجاب..معجب أيضاً بتجربة منال و علاء وجار القمر و مالك و زنجولا ومحمد علاء وبراء و بمدونتك انتي شخصياً وبرسمة دعاء العدل اللي فيها رغم اني ما عجبنيش قبل كده رسوم ليها لكن اللي باتكلم عنه يا أستاذة الوجه القبيح للتدوين..انا ما باتكلمش على لسان الدستور لأني مش المتحدث الرسمي بتاعها..،وصحيح اني بكتب هناك لكن ليا وضع خاص شوية فلا انا تعين ولا أنا هتعين لأني بالفعل متعين في مكان تاني بعيداً عن الصحافة والمعلومة دي ضرورية للي هيخش يعلق بعد كدة معتقد اني باعمل كده مثلاً عشان اتعين أو عشان انافق ابراهيم عيسى
للأسف يا فندم كلامك التالي المتعلق بإنه كلام من غير دليل ما ينفعش في الوسط بتاعنا لأنه بمنتهى الصراحة وسط في أغلبه (وانا ما بعممش اهه) قذر وقائم على المصلحة الشخصية..حتى الأكاذيب أياً كانت بدون أي دليل او بدليل أو حتى معروف من الأول انها أكاذيب هيبستغلها البعض ان آجلاً أو عاجلاً في تصفية حسابات شخصية..فعلاً فعلاً موضوع البنات ده معصبني جداً و حسبي الله و نعم الوكيل
موضوع ان الدستور تعمل تحقيق عن اللي بيحصل ويكونده انفراد ليها فده في اعتقادي الشخصي هيحصل قريب
شكراً لمرورك وشرفتي المدونة
آه..نسيت اقول بس حاجة
موضوع الاختراق الأمني للمدونات انا قلت انه سيناريو وارد..ما عنديش أي دليل لكن لنتي عارفة الحاجة اللي تقولي عليها اقطع دراعي لو ما كانتش كذا وكذا...الموضوع كده بالنسبة لي..،ولو فكرتي في الموضوع بالراحة هتلاقي انه منطقي جداً
الموضوع لما فتحته تاني كان شخصي فعلا و مظنش أني خبيت ده، أنا فتحته تاني بأني نشرت أسئلة وجهت لي حسيت أن فيها اتهام لي أو للمدونين و المدونات.
و فعلا التوقيت هو سبب احساسي بأن فيه مؤامرة، في توقيت تاني كنت اعتبرت الموضوع غباء فقط.
فيه قاعدة لطيفة بتقول لا تفسر بالدهاء ما يمكن تفسيره بالغباء. لكن للأسف معرفتش ألتزم بالقاعدة دي المرة دي.
موضوع أن فيه ناس تقمصت شخصيتك على المدونة عندنا يا ريت تكتب تعليق تحت التعليق المزيف و أنا همسحه.
���� ���� ��������� ����� ��� ���� ���� ������
قرأت الموضوع برمته .. شيء مؤسف ومقرف بحق..
لكن اسمح لي بما إنك في الوسط - الصحفي- ليه الدستور بالذات؟ ليه ما سمعناش الكلام دة مثلاً في مؤسسات زي روزا أو الجمهورية ، أو في جرايد مستقلة تانية زي الموجز أو الفجر؟
سؤال مشابه سألته عند علاء.. أتمنى ألاقي عندك الإجابة..
السلام عليكم كل سنة وحضرتك طيب يا استاذى انا طالبة عند حضرتك فى الجامعة البلوج بتاعتى meshmesha26.blogspot.com اتمنى انى اعرف راى حضرتك فيها moshira
عزيزى تووووووووووح:
صباح الخير يا دكتور
لا تنس ابدا .." و اذا خاطبهم الجاهلون قالوا:
سلاماَ" و اعرض عن الجاهلين.. لقد عملت معك لفترة و كان هذا الوب عيسى نفسه
تحياتى
مجدى الشافعى
عذرا:
"أسلوب عيسى نفسه" لزم التصحيح
مجدى
السلام عليكم ورحمة الله وبركاته
أنا بعيد جداً عن موضوع الخلافات ده
وبعيد عن التدوين والمدونات كمان
لكن أنا من قارئى الدستور ومن المعجبين بإبراهيم عيسى كأسلوب جديد ومختلف
وقريت كتابك(ليك شوق فى حاجة) وعجبنى بالذات فى موضوع إتصال عادل إمام باليبت بيتك فى حلقة شهيرة لإنى جبت آخر من تصرفات الشخص ده وتمجيد ناس له
مش عارف على إيه وتطاوله دايماً فى أمور دينية وعلى شخصيات محترمة
لكن خلينا فى موضوعنا تقريباً الناس دى اللى هم بيسيئوا لعيسى
عمالين ينشروا فى شائعات غريبة إنه مش عارف بياخد كام أللف فى الشهر والصحفيين العاديين فى الجريدة بياخدوا ملاليم وحقوقهم مأكولة رغم إن عيسى رئيس تحرير مش رئيس مجلس إدارة
المهم المفروض الكلام ده يوصله عشان عملية تشويه سمعته مستمرة
أنا بحترمه ومش مصدق الكلام ومش عايز اصدقه بصراحة
يا ريت يا استاذ محمد ترد عليا
تحياتى
Post a Comment
<< Home