Saturday, October 21, 2006

الصلاة بالنيابة


ولما كانت الجمعة الأخيرة من شهر رمضان المبارك فقد أرسل رئيسنا المحبوب محمد حسني مبارك رئيس وزرائه الحبوب أحمد نظيف مش مبارك لآداء صلاة الجمعة نيابة عنه، ويردد الخبثاء أن معجزة مباركية جديدة لم تكن ضمن برنامج الرئيس الانتخابي حدثت حين قال أحد المصلين للدكتور نظيف : تقبل الله يا باشا فسمع صوت الرئيس مبارك يجيبه : منا ومنكم يا ذوق

13 Comments:

At 12:29 PM, Anonymous Anonymous said...

على فكره الموضوع ده كنت لسه هاكتب عنه.... والأمسخر مناللى انت بتقوله ان فى جريدة ذو القرنين بتاع النهارده .... يقوللك احمد نظيف صلى الجمعه فى مسجد النور بتكليف من مبارك....يعنى ايه؟؟؟ لو مبارك مكلفوش مش هيصلى .وبيقوللك مبارك كان بيصلى معاهم بروحه يعنى اتفرج على الخطبه فى التلفزيون وصلى معاهم...مش الريس بقا ...وزى مابيقول شيخ الجامع بتاعنا اللهم حرك فيهم كل ساكن وسكن فيهم كل متحرك......... صباحه اشتغالات ياعم الحاج

 
At 12:36 PM, Anonymous Anonymous said...

اه صحيح بقوللك ايه??? عاوز ايميلك عشان شوية حوارات كده.عندى كلام عايز اقولولاك...اوك؟؟؟؟؟؟؟؟
LALA2007_00@YAHOO.COM

سلامو عليكو

 
At 2:07 PM, Blogger Ghada said...

تصدق أنا سمعت الموضوع ده على محطة القرآن الكريم ساعة الصلاة إمبارح ووقعت من الضحك وحتى قلت لماما..

المذيع قال "ويصلي الدكتور أحمد نظيف بالنيابة عن الرئيس مع الناس في مسجد النور.. !"

بالذمة ده كلام ؟؟ ومين ياخد ثوابها دي!

 
At 2:20 PM, Blogger أبوعمر said...

ميكانيكي
مراتي قالت نفس الإفيه بتاع لو ماكلفهوش ما كانش هيصلي..هي اشتغالات فعلاً،ولو ما كانش راح من غير ولا خبر ما كانش حد هيقول حاجة بس تعمل ايه في الأغبيا الي حواليه
بعتلك ايمي فاضي و أهلاً بيك
غدغود آخر العنقود..ازيك يا غادة
على فكرة الثواب لا هياخده نظيف ولا هياخده الريس..الثواب،وكما و متوقع هياخده جمال
نورتي المدونة

 
At 7:08 PM, Blogger Ghada said...

:))

 
At 12:51 PM, Anonymous Anonymous said...

وفيها ايه .. تلاقي بس الريس نفض عشان كل مره يبقي مع احمد نظيف بيبان انه قصير جنبه وبيحس بالعجز .. البقاء للأطول .. وشكرا

 
At 10:21 PM, Blogger قلم جاف said...

فكرة الصلاة بالإنابة مضحكة بشكل ، تتفوق على كل افتكاسات وتخريفات هذا الشهر من قبل العباقرة محتكري الدين.. برضه لما التهييس ييجي من "الكمة" بيبقى له "مذاك خاس"!

 
At 7:41 AM, Blogger عمر said...

لأ الصلاة بالنيابة يعني في الآخر نظيف يدعي ويقول: يارب حنن قلب جورج ابن مارجريت علي يا رب واحفظلي شعبي الطيب المنكسر... دة اللي هو مش أنا.. دة حسني ابن بهانة

 
At 11:23 AM, Anonymous Anonymous said...

طيب لو كان أحمد نظيف قبل ما يصلي أفسد وضوءه أو حتى وسط الصلاة، حسنى مبارك تتحسب له صلاة على أساس إنه نيته كانت إن نظيف يتوضا.

 
At 4:45 PM, Anonymous Anonymous said...

ادعوله ادعوله يخرب بيت ابووووووووه ربنا يخليلنا مبارك ونظيف وجمال وحبيب العدل حبيب الملايين
دول ناس بيحبوا مصر بجد يااااااااه

مدونتي
http://adjustegypt.blogspot.com

 
At 2:01 AM, Blogger malak said...

دكتور انا كتبت مقال جديد بعنوان شبابنا بدون ثقافة سياسية ولكن ذات ثقافة فنية

 
At 11:36 PM, Blogger سالي محمد said...

شوفت عمو مبارك حلو ازاى وبيخلى الناس تصلى؟ده ممكن ينزل قانون يجبر الشعب انه يصلى وساعتها ابقى ورينى نفسك باه ياحلو
ربنا يحميك يانظنظ وتصلى على طول اصل الصلاه حلوه

 
At 9:32 AM, Blogger abdullah-blogs said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول


 

Post a Comment

<< Home