البلد أمانة في رقبتك يا مازنجر
قال الشاعر يا سادة يا كرام:
لقد حان الوقت..قد بدا النهار
تهيأ .تحضر ..لإطلاق النار
مازنجر
ــــــــــــــــــــــــــــــــــــــــــــــــــــــــــــــــــــــــــــــــ
عزيزي مازنجر
اسمحلي اقولك بمنتهى الأريحية و التصميم والحب ثلاثي الأبعاد وبعبارة صريحة ومباشرة وثابتة ليس فيها أي قدر من الأنيميشن
البلد محتاجالك يا مازنجر..
أبو الغضب صار يرتع في الأرض فساداً والبلد بقى فيها 100 مزدوج وأفروديت خلاص جالها كانسر في الصواريخ.
لم يعد موجود سوى (بيضو) لو أنك تتذكره
أيوة..هذا الولد ال(بيضو) السخيف ..طلع ابن ابو الغضب،وممكن يمسكه بعده مركز العمليات ويعملوا رجال آليين جداد قادرين على هزيمتك ولو لمرة واحدة
أمثالك يا مازنجر لا يحتاجون سوى لمرة واحدة من الهزيمة لينكسر إلى الأبد وتجلس في مخبأك السري بمركز أبحاث الفوتون إلى يوم الدين
البلد محتاجالك يا مازنجر
جريندايزر باع القضية ورجع الكوكب بتاعه بدون أن يحل القضية الفلسطينية،و أسامة بن لادن و الظواهري خدو كهف جريندايزر السري إيجار جديد و مقضيينها ، و(بيضو) عمال يلمع نفسه الله ينور وهو عارف انه جاي غصبن عننا، والبركه في ابو الغضب اللي عايز نتف دقنه ده.
تعرف يا مازنجر..
آخر مرة صليت التراويح سمعت واحد جنبي وهو بيدعي ويقول: اللهم أعد إلينا مازجر سالماً غانماً من كل سوء،واللهم انصر الإخوان المسلمين وحركة كفاية بمازنجر،اللهم اجعل مازنجر في نحورهم،واكفنا به شرورهم،لكنه قبل أن يقول التشهد فعلها غصبن عنه وأطلق ريحاً جعلته يعيد وضوءه ويصلي من جديد.وقد سمعت أحد المتصلين في برنامج الفتاوى الأصفر العبقري عم يتساءلون وهو يسأل عن حكم الشرع في الاستعانة بالرجال الآليين أمثال مازنجر في الجهاد ،فكان رد سيدنا الشيخ أنك يجب أن تؤمن أن مازنجر سبباً للنصر أما النصر نفسه فمن عند الله،وإذا قلت (افتح يا مازنجر بإذن الله) فيجوز لك شرعاً أن نقاتل بك الصليبيين ونخرج بك امريكا من العراق .
يا مازنجر عد أرجوك
نحن في حاجة إليك في زمن بكار وظاظا باظاظا .وسابق ولاحق عيال صغيرة مالهومش لازمة شبه العيال اللي بتلعب بنقى المشمش في الشارع. وبقلظ جاله انهيار عصبي،وبوجي اتجوز وطمطم انحرفت فمن لنا غيرك يا مازنجر
يا مازنجر...مصر محتاجالك
ولو حتى عشان نهيس مع بعض
عزيزي مازنجر
اسمحلي اقولك بمنتهى الأريحية و التصميم والحب ثلاثي الأبعاد وبعبارة صريحة ومباشرة وثابتة ليس فيها أي قدر من الأنيميشن
البلد محتاجالك يا مازنجر..
أبو الغضب صار يرتع في الأرض فساداً والبلد بقى فيها 100 مزدوج وأفروديت خلاص جالها كانسر في الصواريخ.
لم يعد موجود سوى (بيضو) لو أنك تتذكره
أيوة..هذا الولد ال(بيضو) السخيف ..طلع ابن ابو الغضب،وممكن يمسكه بعده مركز العمليات ويعملوا رجال آليين جداد قادرين على هزيمتك ولو لمرة واحدة
أمثالك يا مازنجر لا يحتاجون سوى لمرة واحدة من الهزيمة لينكسر إلى الأبد وتجلس في مخبأك السري بمركز أبحاث الفوتون إلى يوم الدين
البلد محتاجالك يا مازنجر
جريندايزر باع القضية ورجع الكوكب بتاعه بدون أن يحل القضية الفلسطينية،و أسامة بن لادن و الظواهري خدو كهف جريندايزر السري إيجار جديد و مقضيينها ، و(بيضو) عمال يلمع نفسه الله ينور وهو عارف انه جاي غصبن عننا، والبركه في ابو الغضب اللي عايز نتف دقنه ده.
تعرف يا مازنجر..
آخر مرة صليت التراويح سمعت واحد جنبي وهو بيدعي ويقول: اللهم أعد إلينا مازجر سالماً غانماً من كل سوء،واللهم انصر الإخوان المسلمين وحركة كفاية بمازنجر،اللهم اجعل مازنجر في نحورهم،واكفنا به شرورهم،لكنه قبل أن يقول التشهد فعلها غصبن عنه وأطلق ريحاً جعلته يعيد وضوءه ويصلي من جديد.وقد سمعت أحد المتصلين في برنامج الفتاوى الأصفر العبقري عم يتساءلون وهو يسأل عن حكم الشرع في الاستعانة بالرجال الآليين أمثال مازنجر في الجهاد ،فكان رد سيدنا الشيخ أنك يجب أن تؤمن أن مازنجر سبباً للنصر أما النصر نفسه فمن عند الله،وإذا قلت (افتح يا مازنجر بإذن الله) فيجوز لك شرعاً أن نقاتل بك الصليبيين ونخرج بك امريكا من العراق .
يا مازنجر عد أرجوك
نحن في حاجة إليك في زمن بكار وظاظا باظاظا .وسابق ولاحق عيال صغيرة مالهومش لازمة شبه العيال اللي بتلعب بنقى المشمش في الشارع. وبقلظ جاله انهيار عصبي،وبوجي اتجوز وطمطم انحرفت فمن لنا غيرك يا مازنجر
يا مازنجر...مصر محتاجالك
ولو حتى عشان نهيس مع بعض
posted by أبوعمر @ Saturday, October 28, 2006
7 Comments:
ياعم صباح الفل كل سنه وغيرنا طيب
انت شكللك مش متابع متعرفش ان مازنجر بقى عضو فى لجنه المقاسات بتاعة بيضو اللى هو ابن ابو الغضب.... وكمان عامل حملة تبرعات عشان يعالج صواريخ أفروديت بس بيطالب انها تكون صواريخ سلميه مش فاهم ازاى.... وبيقوللك كمان ان بعد القرون اللى ظهرت لمازينجر ناويين يبقى رئيس تحوير لأى صحيفه قرنيه.... ياعم محمد مازنجر خلاص باع الليله ومعدش فاضل غير اننا نقعد كدهو وندعى على كان السبب إلهى اشوف فيه يوم قبل مايموت قصدى قبل مااموت لأنه شكله مطول ...مازنجر خلاااااص راح ومش راجع....
بقوللك ايه ماتيجى نعملنا واحد مازنجر جديد على القد كده ...ها إيه الكلام؟؟؟؟؟؟؟؟؟
انا هالة محمد (رابعة صحافة) والبلوج بتاعى هو
ELKHEER.BLOGSPOT.COM
انا كنت بحب مازنجر وانا صغيرة اوى
مش عارف يتهيألى مازنجر لوحده مش كفاية، احنا محتاجين أدهم صبري لأنه يجيد التنكر و بالتالي ممكن يتنكر في شكل السيدة الفاضلة و يدخل لحد أوضة نوم أبو الغضب و يخلصنا منه فا حتحصل فوضي في الشارع و ثورة شعبية ساعتها يتدخل كلاب الأمن لقمع الثورة و هنا يأتى دور مازنجر في التصدى للأمن. بالنسبة لأفروديت بلاش نقحمها في اللي بيحصل ده لحسن الأيام ديه قلق و ممكن يتحرشوا بيها ولا حاجة و نقعد نقول يا ريت اللي جرى ما كان.
السلام عليكم ورحمة الله
ازى حضرتك يا دكتور
انا ايهاب 4صحافة
http://hoba28.blogspot.com/
أفروديت جالها كانسر في الصواريخ!
قعدت أضحك لما فطست!
:)
مازنجر على فكرة لسة موجود بس في المتحف الوطني الياباني، وفيه حلقة من جريندايز سرق فيها الأشرار مازنجر من المتحف وحاربوا بيه جريندايزر (ما اتدبلحيتش عربي للأسف).
المهم كوجي عرف يجيب مازنجر تاني وهو دلوقت في المتحف. يعني الأمل في مدير المتحف مش غيره!
This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول
Post a Comment
<< Home