Monday, December 11, 2006

الإخوان الممثلين

لم أكره الإخوان المسلمين في بداية تعرفي عليهم هم وشعارهم (الإسلام هو الحل) و الذين كانوا يلصقونه بصورة منفرة على أي حائط و في أي مكان بطريقة قبيحة ومنافية لأي جمال مع (إن الله جميل يحب الجمال.
لم أكرههم عندما قرأت معظم ما كتب عنهم لأن كل كتاباتهم متحيزة لهم وكل الكتابات الأخرى ضدهم ولا عزاء للموضوعية .
لم أكرههم وهم يدعون البطولة و نصرة الإسلام فربما هو عقلي القاصر الذي يرفض الاعتراف بناس يدافعون عن دينهم بسب دين الآخرين(وليس كل الإخوان سواء)،ويكفي أن فيهم صاحب تفسير في ظلال القرآن الشيخ سيد قطب ، وناس محترمين مثل د.عصام العريان ود.عبد المنعم ابو الفتوح.
لم أكرههم وهم يتوهمون العالم كله ضدهم ولا و أنا أتابع معظم استجواباتهم المضحكة في مجلس الشعب والتي تشعر و أنت تشاهدها أو تقرأ عنها أنك تتابع مغامرة من مغامرات (بطوط) .
لم أكرههم و أنا أتابع ألعابهم في التوازنات السياسية مع الحزب الوطني و أحزاب المعارضة وحركاتها المختلفة فالمشي على الحبل السياسي ربما هو في شريعة الإخوان الجهادية.
لم أكرههم و أنا أقرأ مقالات عبد الله كمال عاصراً على نفسي مليون لمونة و لا بقراءتي لمقالات عم حمدي رزق الذي عانى من تهديداتهم بعض الوقت و من إيميلاتهم البذيئة المكفرة ،واهو عم حمدي برضه ياما شد السلخ عليهم بمناسبة وبدون مناسبة.
لم أكرههم و هم يضعون رجلاً مثل محمد مهدي عاكف على رأس قيادتهم وهو يلقي بتصريحاته الكاريكاتورية - البذيئة في معظم الأحيان - وينظّر ولا أجدعها محلل سياسي فالتماس العذر للناس الكبيرة التي تعدت السبعين شئ مهم ما دام حاكم البلاد ممن قاربوا على الثمانين خريفاً،وليس على عاكف أو مبارك حرج وهذا هو ما وصلت إليه طالما الناس في بلدنا بهذه الحالة المزرية من الذل و المهانة والجري وراء لقمة العيش واياكش تولع البلد.
لم أكرههم عندما دفعتني الصدفة المحضة لأن أنتقد كتاباً ألفته واحدة منهم لأفاجأ بعدها بمنتديات الإنترنت تسب و تلعن في شخصي ولا عندما كتبت منتقداً ازدواجية الشعب المصري الذي رضى بوجود الزنا في عمارة يعقوبيان ورفض الشذوذ الجنسي لأفاجأ بأذنابهم يهاجمونني ويتهمونني بالكفر و الزندقة و الشذوذ متخفيين خلف أسماء مستعارة مع إن أي منهم سهل الوصول إليه و محاكمته و إدانته مهما تخفى..،ولو كان يمتلك شجاعة المدافعة عن قيمه و مبادئه لما استتر خلف اسم مستعار (واللا يمكن إسمه عورة)
لم أكره حق الإخوان المسلمين في المشاركة السياسية بل كرهت الغباء السياسي وة الحكومي المتمثل في غباء أمن الدولة الذين سلطوا خطباء المساجد عليهم ليهاجموهم في خطب الجمعة أيام الانتخابات ،فكانت النتيجة تعاطفاً غريباً و نجاحاً ساحقاً بعد ان ظهروا في دور المضطهدين ولم يكن ينقصهم سوى جناحين على كتف كل منهم ليصبحوا (إخوان بالأجنحة)
لم أكره الإخوان المسلمين سوى اليوم وأنا أتابع ما فعلوه من استعراض قوة في جامعة الأزهر من خلال برنامج (القاهرة اليوم) وهم يقدمون أروع مثل في الغوغائية و الهبل السياسي والإساءة لكل ما يدعونه من مثل وقيم ودفاع عن الدين الإسلامي الحنيف الذي هو بعيد كل البعد عما فعلوه.
لأول مرة أشعر بالخزي و العار لأنني دافعت يوماً عن حقهم في التواجد السياسي في هذا البلد ليردوا الجميل بمنتهى السخافة و القذارة والبذاءة بعرض قتالي في حرم جامعة الأزهر و كأنهم يبعثون برسالة ما إلى الجميع .كانوا ملثمين و لا كأنهم حركة حماس يدافعون عن وطنهم ضد الصهاينة و كل ذلك من أجل الاتحاد الحر.
أنا قطعاً لا أهاجم الغباء الإخواني وحده لكن أهاجم الغباء السياسي الذي يحكم هذه البلد.هو نفس الغباء السياسي الذي رفض أن يدخلوا الانتخابات الطلابية ذاتها ونفس الغباء الذي فصل الطلاب من جامعاتهم قبل اقل من شهر على امتحاناتهم ونفس الغباء الذي زج بايمن نور و طلعت السادات في السجن ليصنع منهما أبطالاً في مسرحية هزلية اسمها مصر.
أساء الإخوان لكل ما كانوا يستندوا إليه من ابتسامات صفراء و قناعات مزيفة و أثبتوا أنهم مثل الداخلية ومثل حركات المعارضة و مثل حكومة هذا البلد وحكامه آخر ما يهمهم هو الوطن نفسه.
لا اختلاف إذن بين الإخوان والحزب الوطني ،وبالتالي فالفوارق طفيفة للغاية بين محمد مهدي عاكف و حسني مبارك ،واعلم أن الأول لن ينام اليوم فرحاً بهذه المقارنة.
و لا وجود للإسلام الحقيقي فيما فعله الإخوان في جامعة الأزهر معطيين الأجهزة الأمنية ضوءاً أخضراً لاعتقالهم و التنكيل بهم فمهما فكرت الداخلية و أمن الدولة ورجال حبيب العادلي في وسيلة يجعلون الناس – و أنا أولهم- يكرهون الإخوان المسلمين ماكانوا ليفعلوا ما فعله الإخوان أنفسهم تحت عباءة الدين
وسيبكم من الإخوان المسلمين...قديمة حبة..خلوها الإخوان الممثلين ...كده أوقع برضه..حتى ممكن تاخدوا الأوسكار

ملحوظة ) : (في انتظار السباب المعتاد من نفس الناس المجاهيل و الذي لن ارد عليه و أفوض أمري إلى الله)
ملحوظة تانية: قاومت رغبة عارمة في كتابة لفظ آخر غير الممثلين على نفس القافية..،والحمد لله أنه أعانني على هذه المقاومة حتى لا افعل ما أنتقده فيهم

27 Comments:

At 5:31 PM, Blogger Mr.GEMYHOoOD said...

انا مش هاتكلم على الاخوان لانهم اقذر من انى اوسخ لسانى بالكام عنهم


انا بس عايز اعرف اخدت جولة فى البلوج عندك لقيت الناس بتبعتلك بلوجات تتفرج عليها و يرمولك ايميلاتهم


هوه انت قوى عاملة و لا ايه :d

 
At 6:00 PM, Blogger SPRING said...

ايه يا عم الجرأة دي ، انت بتمشي في عكس اتجاه سير الأمة ، يا وحش يا كخة

 
At 9:03 PM, Blogger أبوعمر said...

عم جيمي..امسك أعصابك شوية..الواحد كان هيشتمهم لكن ما رضتش اقع في الفخ اللي بانتقد الناس فيه وهو انك تدافع عن وجهة نظرك بأسلوبهم البذئ.
بالنسبة لموضوع القوى العاملة آه..عندك حد توظفه؟
باشمهندس ربيع
ولا عكس سير الأمة ولاحاجة
الأمة أصلاً عندها شلل أطفال
واهو انت اللي وحش و كختين

 
At 1:12 AM, Blogger m4m said...

جيمى هود :- أنا لست من الاخوان..لكنى م}من أن القذر هو من وصف من يرفع راية لا اله الا الله بالقذارة

اختلف معهم..جادلهم...لكن أن تقول أنهم أقذر من أن توسخ لسانك بالكلام عنهم فهذا يجعلنى أشك فى نظافة لسانك أصلا

 
At 1:18 AM, Blogger sCHIZODELICK said...

متزعلش من جيمي يا ابو عمر ..هو كويس بس رزل في التعليق ههههه.. المهم تسمحلي أستغرب ان حضرتك اتأخرت قوي في الحكم علي الاخوان لانهم فعلا وحشين من زمااااااااااان .. طب مكرهتهمش لما شفت المؤتمر السياسي اللي بيعملوه مرتين في السنة تحت اسم صلاة العيد

 
At 2:04 AM, Blogger m4m said...

sCHIZODELICK

صلاة العيد ليست مؤتمرا سياسيا...ان كنت مسلما فلتحترم دينك...وان لم تكن مسلما فاحترم نفسك وديانات الأخرين

 
At 3:32 AM, Anonymous Anonymous said...

أبو عمر باشا أعتقد أنك عارف رأي في الإخوان من ساعة لما كتبت المضوع بتاع "فضيلة النرشد اصمت ولا اقل شيئا" علي الرغم من لي أصحاب منهم

الإخوان بيستغلوا الموقف زيهم زي أى حد في البلد دي، وده مينفيش أن في ناس كويسهم وسطيهم وخصوصا الاتنين اللى انتا قلت عليهم..

ويا عم جيمي بالراحة علي الناس لتلاقي نفسك في خانة واحدة مع أبو لهب

أما بالنسبة للأستاذ m4m

أحب أقوله حاجة بس أديك انتا لما جيت ترد علي جيمي أسأت له.. قبلت الاساءة بزيها.. واعتقد أنك لو رجعت لسيرة نبينا الكريم هتلاقي كلام عكس ده تماما

حاجة تانية والنبي.. في ناس يبترفع راية لا اله إلا الله علشان وجه الله، وفي ناس بترفعها علشان تتستر وراها.. الشيعة اللي انتو متحبهمش رافيعن راية لا اله الا الله.. الاثنى عشرية رافعنها.. الصوفية رافعتها.. الوهابيين رافعينها..

وبعدين الاخ اللى قالك أن صلات العيد عند الاخوان مؤتمرات سياسية مغلطش في الدين.. غلط في اللى الاخوان بيعملوه

 
At 10:09 AM, Anonymous Mahmoud Ali said...

http://www.egyptwindow.net/modules.php?name=News&file=article&sid=3777

 
At 11:28 AM, Blogger m4m said...

الراجل الميت :-

بلاش اسطوانة سيرة النبى دى وحياة والدك عشان احنا مش أنبيا...دى نقطة

التانية كل من رفع راية لا اله الا الله وجب احترامه وحمايته وحسابه على الله ومش فاهم انت تقصد مين بكلمة انتوا مش حابين الشيعة؟ أنا ولا اخوان ولا شيعة بس مارضاش حد فيهم يتقال عليه انه أقذر ان حد يوسخ لسانه بالكلام عنه...ماتبطلوا تنظير بقى وادعاء ثقافة ونظافة...أبو عمر قال رأيه بشكل محترم وأنا متفق معاه تماما لكن شتيمة وتحقير مسلم عالأقل بيجتهد انه يبقى ملتزم ده أمر مش مقبول

أما بالنسبة لصلاة العيدين فالاسلام دين ودولة...وليس كما ينادى العلمانيون بفصل الدين عن الدولة

واضحة وجهة نظرى؟

 
At 1:45 PM, Anonymous el-ashkeef said...

بص يا ابو عمر
انا متفق معاك إن الأستعراض العسكرى ده غلط و بيدى ناس كتير المبرر لقمع الإخوان.
بس انت مش شايف إن الضغط يولد الإنفجار و ولما الطلبه ينضربوا فى كل مظاهره من الأمن المركزى و فرق الكاراتيه, مش ده برضو اكيد له رد فعل مضاد!!

 
At 5:00 PM, Anonymous Anonymous said...

اولا انا لست معك فى هذا المقال. لان زى ما قال الاشكيف الضغط يولد الانفجار .وبعدين الكل بيغلط اشمعنى الاخوان لما يغلطه تكتر سكاكينهم.ثالثا اه التاكيد من ان مهدى هو اللى اعطى الضوء الاخضر لهؤلاء الطلبة وانهم ماعملوش الكلام ده من دماغهم.رابعا حاول تتذكر بعض مواقفهم الجيدة وان شاء الله هتلاقيها كتير.رابعا ارجو النظر لهم على انهم جماعة وليسوا افراد ولا يؤخذ الجماعة بغلط فرد.اسفه للاطالة

 
At 5:06 PM, Anonymous Anonymous said...

انا طالبه في رابعة صحافه_بدون زعل_البلوج بتاعى كتبت فيه مقالات كتير و نشرتها ورغم ذلك مكتوب فى الصفحة الرئيسية (no post).انا عايزة اعرف علشان عجبنى اوى نظام البلوج وعايزة استمر فيه وبرده علشان ما تفتكرش انى ما عملتش التكليفات *اسماء حسن عبداللاه*

 
At 4:43 AM, Blogger باسم شرف said...

معاك حق يامعلم
وهنغرس في الطينة معاهم

البلوج حلو يا ابوحميد
ربنا يخلهولك

قشطة

 
At 12:00 AM, Blogger The Eagles said...

السلام عليكم
ازى حضرتك يا دكتور
انا ايهاب 4 صحافة اتمنى ان تقرء البلوج بتاعى وينوره تعليق حضرتك وايضاح اوجه القصور
والسلام..........

 
At 12:17 AM, Blogger we2am said...

ده اتجار بالدين..بس :)

 
At 2:17 AM, Blogger واحـــد مـــــن الـنـــاس said...

This comment has been removed by a blog administrator.

 
At 2:20 AM, Blogger واحـــد مـــــن الـنـــاس said...

مختلف معاك تماما في رايك يا ابو عمر
انا كتبت رأيي الشخصي عندي في المدونة

Mr.GEMYHOoODبس ليا تعليق على
-------------
انا مش هاتكلم على الاخوان لانهم اقذر من انى اوسخ لسانى بالكام عنهم
-------------

انا راضي ذمتك يا ابو عمر
هل في كلام هذا الشخص
اي نوع من انواع الاحترام او الادب

حضرتك اتكلمت باسلوب محترم
اقدره ولكن اختلف معه
لكن اقول ايه في الشخص ده ؟؟

انا عايزك تقوله كلمة حق
بصفتك صاحب البيت

هل يا استاذنا
ما قاله محمد جمال
يمت باي صلة للصحافة المحترمة
ولحرية الرأي
؟؟؟
حضرتك استاذ جامعي وصحفي ولازم يكون ليك موقف من الاشخاص دول

احترامي الكامل ليك

 
At 9:31 AM, Blogger Mohammed said...

بعد التحية
انا مصري في الكويت من شهرين وبدات اتفرج علي البلوجات الكتيرة دية
اولا صعب قوي تكون مصر بالسوء دة والتخلف دة اكيد في حاجة حلوة واكيد في بعض المزايدات منكم

انا معرفش انتم زعلانين عشان مظاهرة الاخوان ولا عشان الاخوان اديت الحكومة فرصة انها ترد عليها وتثبت عليها الجريمة - الارهاب -
اعتقد ان رد فعل الاخوان طبيعي وكان لازم يبقي في شجاعة شوية في الرد
انتم راضيين انهم 25 بيضربوا ويتسحلوا
انتم بجد مصدقين ان الحكومة - اي حكومة - حتيجي بالمظاهرات والنقاش

اللي ميقدرش يدافع عن حقة ميستحقوش

M.F.A

 
At 2:15 AM, Blogger Ahmad said...

بصراحة إنت صدمتني بتعليقك ده ووالله العظيم ماعلشان الإخوان فكل واحد حر في وجهة نظره ولولا الإختلاف بين البشر ماكانتش الدنيا تطورت مليمتر واحد وياريت تفهم ده لجيمي هود الي فاكر الموضوع وصلة ردح في سوق الخضار
المهم ان الي صدمني هو إن الأدمغة المحترمة الي فعلا الواحد بيحترمها زيك وزي أحمد العايدي ودسوقي ووليد طاهر وكساب تبقي هي اللي تتأثر بالعرض الهزلي بتاع عمرو أديب وقبله للأسف مجدي الجلاد ع فكرة ياأستاذ محمد الإخوان مش أول مرة يعملوا العروض دي أكاد أجزم ان مفيش جامعة ف مصر إلا وعملوا فيها هذه العروض الرياضية مش القتالية ياعم الحاج ده نصهم أنيميا والنص التاني كروش زي ما شفنا يبقي قتال إيه بس الفرق هذه المرة في التغطية الإعلامية الغريبة وال "فوكس" الي اتعمل بمنتهي الترصد وقرع الطبول السمجة من شاكلة هما بيعملوا كده لمين وعايزين يحاربوا مين والهبل ده الي للأسف ناس كتيرة انجرت وراه
يا خوانا ببساطة شديدة لما شباب زي ده يشوفوا زمايلهم بيخش عليهم البلطجية ف عين شمس وبعدين يفصلوهم عشان مارسوا حقهم في انتخاب اتحاد يممثلهم وقبل ده وده قلة الأدب الي حصلت ساعت مظاهرات الإستفتاء والقضاة مع الكل ولا نسينا طب بعد ده كله لما شوية شباب يبعتوا رسالة بسيطة إن لوحاولتوا تبلطجوا علينا زي عين شمس هنعرف ندافع عن نفسنا إيييييييييييييه المشكلة ياعم محمد هو المفروض اننا ناخد ع قفانا وتهتك أعلراض بناتنا وإخواتنا من أشاوس الداخلية كل يوم ومايبقاش فيه أي رد فعل حتي رمزي زي الي حصل ده وحد الله كده وبص للموضوع بعقلانية من غير ماتسخن من كلام عمرو أديب ولا حمدي رزق ولا كل الي مش لاقيين جنازة ويشبعوا فيها لطم
ملحوظة أخيرة وآسف للإطالة:أتفق معك تماما في كلامك عنهم ف رفض موضوع الرقص ع الحبال أو مايسمونه هم المواءمة السياسية وأيضا تصريحات المرشد الغير ذكية ولا مواءمة لكن مش معني كده اننا نهيص مع الي بيهيصوا في مولد سمج ومفتعل وريحته فايحة
والسلام ختام

 
At 6:01 AM, Blogger Ahmed Montaser said...

ينبغي للذي يتكلّم في الإخوان أو أية جماعة إسلامية أن يفصل في كلامه بينها وبين الدين الذي تدين به.

شخصيًا أنا أكره الإخوان لأني سلفي.

الدولة المفروض تغير دستورها الأول وبعدين نبقى نشارك في العملية السياسية.

 
At 2:36 PM, Blogger لن أستكين said...

أيهم أولي بالتحويل للمحاكمة العسكرية الإخوان أم تاجر الدم الملوث و صاحب العبارة المنكوبة
www.wakeupandgo.blogspot.com

 
At 7:56 PM, Blogger واحـــد مـــــن الـنـــاس said...

حضرتك طنشت ومردتش عليا

مكنش العشم ...

 
At 2:04 AM, Blogger عقدتين و شنيطة said...

الحكم الموضوعى على الاخوان ..التاريخ..اقرأوا تاريخ الاخوان..استعراض القوة فى جامعة الازهر لم يكن جديدا..استعراض القوة فى تنصيب الملك فاروق سبقه بسنوات طويلة..الاخوان ضد الديمقراطية على طول الخط ..ليس رأياً خاصاً..و لكن تاريخ مصر منذ نشأة هذه الجماعة يقف شاهداً على ذلك..اقرأوا التاريخ..اقرأوه حتى فى كتبهم هم

 
At 12:15 AM, Blogger Ahmad Basha said...

تردد قناة mbc مصر على النايل سات 2013
مشاهدة قناة mbc مصر بث مباشر
وظائف الوزارات المصرية 2013
وظائف الحكومة المصرية 2013
احدث عروض كارفور مصر الهايبر ماركت
اماكن و فروع كارفور مصر
نكت مصرية قليلة الادب 2013
صور , نكت اساحبى 2013
صور نكت على جمال و علاء و حسنى مبارك
مشاهدة قناة النهار بث مباشر
تردد قناة 25 يناير على النايل سات 2013
ترددات قنوات المصارعة على النايل سات 2013
ترددات قنوات النايل سات الجديدة 2013
ترددات قنوات النايل سات الجديدة
الموقع الرسمى لقناة الحياة الحمرا
الموقع الرسمى لقناة النهار
الموقع الرسمى لقناة الفراعين
ترددات قنوات النايل سات الجديدة 2013
مشاهدة جلسات مجلس الشعب اون لاين
مشاهدة جلسات مجلس الشعب بث مباشر
مشاهدة قناة صوت الشعب اون لاين
ترددات قنوات النايل سات الجديدة بعد التعديل
مشاهدة قناة صوت الشعب بث مباشر
الموقع الرسمى لقناه مودرن سبورت
مشاهدة قناة 25 يناير بث مباشر اون لاين
مشاهدة قناة اليوم بث مباشر اون لاين بدون تقطيع - القاهرة اليوم
مشاهدة قناة الجزيرة مصر بث مباشر اون لاين بدون تقطيع
رسائل قصيرة للاصدقاء
كود تحويل رصيد من فودافون الى فودافون
طريقة تحويل الرصيد فودافون
اسعار الموبايلات النوكيا المستعملة فى مصر
اسعار الذهب اليوم فى طنطا
اسعار السيارات المستعملة فى مصر بالصور 2013
اسعار السيارات فى مصر 2013 بالصور
سعر موبايل نوكيا بخطين Nokia e97
صورة اجمل امراة فى مصر 2013 , اجمل امراة فى العالم 2013
صور تامر حسني و بسمة بوسيل زوجته
نكت صعايدة

 
At 12:17 AM, Blogger Ahmad Basha said...

مصراليوم
مشاركة ارباح ادسنس
منتديات مصراليوم
الحوار العام
شعر , قصائد
بحث , مقال
اخبار الفن
اخبار مصر
اخبار التعليم فى مصر
صور
اغانى , كلمات اغانى
افلام , مسلسلات
نكت
فيديوهات
قنوات , ترددات
العاب
كلية الطب
كلية الهندسة
رسائل موبايل
عروض الشبكات
قران كريم
برامج انترنت
اخبار الرياضة المصرية
مباريات بث مباشر
اسعار سيارات
اسعار موبايلات

 
At 9:19 PM, Blogger Ahmed Ashraf said...

نتيجة الشهادة الاعدادية الترم الاول 2013
نتيجة الشهادة الاعدادية الترم الاول 2013 , محافظة الاسكندرية
نتيجة الصف الثالث الاعدادى الترم الاول 2013
نتيجة الشهادة الاعدادية الترم الاول 2013 , محافظة اسوان
نتيجة الشهادة الاعدادية الترم الاول 2013 , محافظة اسيوط
نتيجة الشهادة الاعدادية الترم الاول 2013 , محافظة البحيرة
نتيجة الشهادة الاعدادية الترم الاول 2013 , محافظة بنى سويف
نتيجة الشهادة الاعدادية الترم الاول 2013 محافظة القاهرة
نتيجة الشهادة الاعدادية الترم الاول 2013 محافظة الدقهلية
نتيجة الشهادة الاعدادية الترم الاول 2013 محافظة دمياط
نتيجة الشهادة الاعدادية الترم الاول 2013 محافظة الفيوم
نتيجة الشهادة الاعدادية الترم الاول 2013 محافظة الغربية
نتيجة الشهادة الاعدادية الترم الاول 2013 محافظة الجيزة
نتيجة الشهادة الاعدادية الترم الاول 2013 محافظة الاسماعيلية
نتيجة الشهادة الاعدادية الترم الاول 2013 محافظة كفر الشيخ
نتيجة الشهادة الاعدادية الترم الاول 2013 محافظة المنيا
نتيجة الشهادة الاعدادية الترم الاول 2013 محافظة المنوفيه
نتيجة الشهادة الاعدادية الترم الاول 2013 محافظة القليوبية
نتيجة الشهادة الاعدادية الترم الاول 2013 محافظة قنا
نتيجة الشهادة الاعدادية الترم الاول 2013 محافظة الشرقيه
نتيجة الشهادة الاعدادية الترم الاول 2013 محافظة سوهاج

 
At 9:32 AM, Blogger arab girlscool said...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول


 

Post a Comment

<< Home