عن احمد بتاع مدونة إبليس و الأخ زنجي وحرية الشتيمة..اللي هي التعبير!!!!
لم أقل من قبل في هذه المساحة أنني أكتب في الدستور لأسباب تتعلق بعدم دوشة دماغكم وحتى لا يظن البعض اني بتنطط لأن عالم المدونات للأسف الشديد ملئ بذوى الاحتياجات الخاصة و المعقدين نفسياً الذين إذا لم يعجبهم سطر أو كلمة حتى فيما أكتب فعادي جداً بالنسبة لهم اني اتشتم بالأب و الأم و يتسبلي ميت دين وهي دي حرية التعبير عندهم. حدث هذا مثلاً في موضوع كتبته عن جيفارا حينما خصصت له الدستور صفحتين بمناسبة عيد ميلاده وكان المشرف عليهما خالد كساب وفوجئت ببوست لإبليس يلعن فيه الموضوع وهذا حقه بالمناسبة لكن الردود جاءت لتشتم وتسب الذين كتبوا وتنعتهم بالجهل وتصفهم بأقذر الشتائم وما لذ و طاب من سب الدين..طب مال أمي أنا ومال الموضوع..عادي جداً..حرية تعبير واللي عايز يشتم امي يشتمها والأخ زنجي عادي جداً انه يقول عليا في الردود جاهل لمجرد انه فاهم الموضوع من ناحية واحدة ، وانا يا ارد عليه فابقى نزلت لمستواه يا اطنش فتبقى امي ملطشة..عادي جداً..طنش يا عم..ربنا يسامحهم كلهم وإبليس بالمناسبة – رغم كل اعتراضاتي واختلافاتي مع معظم ما يكتب- كاتب بارع وصحفي لذيذ أتابع قليل ما يكتبه في أخبار الأدب وكثير ما يكتبه عن البلد والدين و(علي) اللي من ال.....معلش مشوها الأحرار..،لكن عادي برضو وانا اقلب في ابداعات احمد ناجي أو احمد ابليس أو بيسو أن أجده يعلن في موضوع كتبه خصيصاً لابنته ريم(حفظها الله) عن موضوعي لابني عمر اللي هو كان أول موضوع كتبته في البلوج ده..وعادي جداً انه يعتبرني بابتز ابني عاطفياً وبابتز القارئ عاطفياً وعاي جداً شعوره ناحية الموضوع بإنه يخنق أو (بيض) في أكثر الفيرجنات تهذيباً للكلمة الأصلية.طبعاً العبد لله لا هو خضرة الشريفة ولا حامل لواء العفة(ما هو العفة بقى ليها لواء) واعرف ارد بنفس المنطق واكتب بنفس النفسنة واشتم نفس الشتايم وكل اللي يعرفوني فعلاً يعرفوا اني قبيح جداً واقوم بالجوز بعون الله .. لكن مش هعمل كده
ويا عم احمد يا بتاع مدونة ابليس ربنا يسامحك
طبعاً من حقك كتابة ما تريد لابنتك لكن لم يكن جميلاً أبداً أن تنعت ما كتبته لابني بالخراء لمجرد أنك رأيته منشوراً في جريدة لا تحبها في صفحة واحد أنت ما بتطقهوش فيروح العبد لله جاي في الرجلين وكلامي خراء والحركات دي..يا أخي انا بحترمك رغم اختلافي معاك لأنك فعلاً شخص مبدع..لكن مفيش مشكلة..هاخد ثواب على قفاك
ويا عم زنجي..شعرك حلو أوي وقصايدك جميلة ومش بالع انا حكاية ان اللي اتنشرلك في الدستور ده كان بدون علمك وانك متضايق لكن ربنا يخليك لماما ويخليهالك..وبكرة نشوفلك دواوين جميلة بس يا رب تكون من غير شتيمة واللي بيته من قصايد زي بتاعتك ما يحدفش الناس بالشتيمة(برخم عليك بس..القصيدة بتاعة المجر فعلاً حلوة)
بالمناسبة...يا ريت لو رديتو هنا أو هناك يبقى من غير شتيمة عشان انا افترضت فيكم ناس ولاد ناس ومبدعين محترمين..ونفسنة موفقة على خلق الله
ويا عم احمد يا بتاع مدونة ابليس ربنا يسامحك
طبعاً من حقك كتابة ما تريد لابنتك لكن لم يكن جميلاً أبداً أن تنعت ما كتبته لابني بالخراء لمجرد أنك رأيته منشوراً في جريدة لا تحبها في صفحة واحد أنت ما بتطقهوش فيروح العبد لله جاي في الرجلين وكلامي خراء والحركات دي..يا أخي انا بحترمك رغم اختلافي معاك لأنك فعلاً شخص مبدع..لكن مفيش مشكلة..هاخد ثواب على قفاك
ويا عم زنجي..شعرك حلو أوي وقصايدك جميلة ومش بالع انا حكاية ان اللي اتنشرلك في الدستور ده كان بدون علمك وانك متضايق لكن ربنا يخليك لماما ويخليهالك..وبكرة نشوفلك دواوين جميلة بس يا رب تكون من غير شتيمة واللي بيته من قصايد زي بتاعتك ما يحدفش الناس بالشتيمة(برخم عليك بس..القصيدة بتاعة المجر فعلاً حلوة)
بالمناسبة...يا ريت لو رديتو هنا أو هناك يبقى من غير شتيمة عشان انا افترضت فيكم ناس ولاد ناس ومبدعين محترمين..ونفسنة موفقة على خلق الله
posted by أبوعمر @ Thursday, July 20, 2006
4 comments
